الحر - ما ذنبي

الخيال فاتح موضوع والقلب وحيد موجوع\nواش منهم اولا مني واش ذنبي\nضحاو عليا شموع فميلادي طاحو الدموع\nولى الخوف ممنوع يكون فدربي\nآه يا يما آه شكون ضد ولدك شكون معاه\nشكون زرع الشوك فطريقي باش نلقاه\nوشكون لقى لوقيد وجيت فبالو عليا رماه\nوحيت ربي كبير جا غا الريح طفاه\nياحسرة وخصارة ، الدنيا غدارة\nولي خدلونا نساو بلي دوارة\nآرا يا زمان آرا كولشي عرف الايام حگارة\nوالجرح مايتسمى جرح ادا ماخلا الامارة\nمتقولوا ليما راه مجروح وجناحي مكسور\nيازهري ديني معاك نروح فطيارة ولى بابور\nقولوا للحبيبة راه لي غارو باعونا فابور\nوقصتي بين الناس الدور من طنجة للناظور\nمتقولوا ليما راه مجروح وجناحي مكسور\nيازهري ديني معاك نروح فطيارة ولى بابور\nقولوا للحبيبة راه لي غارو باعونا فابور\nوقصتي بين الناس الدور من طنجة للناظور\nسهران الليل و المشاهب تغني رسامي\nماتاقوا بكلامي ماوفالي غرامي\nوشكون حرض الريح باش مايرفرفش علامي\nوشنو لي خلى المراية تهضر وهي قدامي\nواش باغية تبكيني اولا تنسيني\nاولا تخليني ضايع بين البارح واليوم\nوكل مرة مشاكل ومصايد وحفاري فطريقي\nوعديان جداد يتمناو ينشف ريقي\nوعلاش بغا الحوت يطير وهو غير كيعوم\nويوم يشبه يوم وعلاش بنادم فيا يلوم\nوالسما لي عامرة غيوم صبت ويدان وفيها نعوم\nوياك يحق المظلوم واخا يستروه يبان في يوم\nمتقولوا ليما راه مجروح وجناحي مكسور\nيازهري ديني معاك نروح فطيارة ولى بابور\nقولوا للحبيبة راه لي غارو باعونا فابور\nوقصتي بين الناس الدور من طنجة للناظور\nمتقولوا ليما راه مجروح وجناحي مكسور\nيازهري ديني معاك نروح فطيارة ولى بابور\nقولوا للحبيبة راه لي غارو باعونا فابور\nوقصتي بين الناس الدور من طنجة للناظور\nوالله ما ذنبي والا ذنب لي دار قلبي\nهوما لي حاربوني وسماوها حربي